ه‍.ش. ۱۳۸۹ اسفند ۲۷, جمعه

تبریک ایام شاد نوروز

آغاز سال 1390 خورشیدی را پیشاپیش به شما هموطنان عزیز و شما بیننده عزیز تبریک عرض نموده و هدیه اینترنتی زیبایی را با موزیک شاد تقدیم مینمایم . همیشه شاد و سلامت باشید

ه‍.ش. ۱۳۸۹ اسفند ۸, یکشنبه

بایرام حال و هواسی


بایرام تعطیلرینه یاواش یاواش یوخونلاشوروخ ، بونی حتما سیزده منطقه آزاد ارسین  سیزین جیب تلفونلاروزا یوللادوغی پیاملاردان باشا دوشموسوز ، حتماً بیلدیرکی آراز قیراغیندا گزیب  ، دولانمالاروزون یادونا دوشور سوز و اوز سوز صحبت ایلدیغیز یرلرده ، گؤردوگوز منظره لردن ده صحبت آچورسوز . بیلدیر اگر بیر آز چاتوشمازلارونان دا اوز اوزه گلسن بو ایل او چاتوشمازلوخلارون چوخی آرادان گؤتورلنیب . حتماً گلین ، گلمه سه ز ، بو گؤزللیخلاری الدن وررسیز . بیرده بونی دئیم کی ، بیلدیر بهداشتی سرویسلردن بیر آز زحمه ته دوشوردوز بو ایل حتماً بو مشکل آرادان گؤتورلنیب . بیلدیر چوخ مدت سرویس بهداشتی دن استفاده ایلاماقا ، نوبته دوروردوز ، یا سرویسلرین نظافتینن ناراضی اولوردوز ، مخصوصاً کلیسادا و آسیاب خرابه ده بو ایل حتماً بو چاتوشمازلوخلار دوزرلنیب . گلین اوزوز گؤرون بیلدیرکینن چوخدا راضی قییداجاقسوز .
بورادا آسیاب خرابه دی قیش فصلینده

ه‍.ش. ۱۳۸۹ اسفند ۶, جمعه

اوتوز- قيرخ ايلدن سونرا بانلاماق!...

محمد علي برزگر (گرگرلي آراز)
دوز قيرخ ايكي ايل اوستوندن كئچير؛ كيلاسدا،اوچ- اوچ، دؤرد- دؤرد اوتورارديق. ائله بيل دونن ايدي، اوچونجو سيرادادا بيز اوتورموشدوق.معلليميميز درسي دئييب، اؤز يئرينده اوتوروب، ائشييه باخيردي. بيزده سسسيز دن، گاه معلليمه، گاهدا پنجره دن ائشييه باخيرديق. قار ياغميشدي، هاميميز سئوينيرديك. چونكو گلن زنگ ورزيشيميز واريدي، و بيز قار گولـله سي اويناياجاغيديق. زنگ وورولدو. بير آز دينجه لندن سونرا هاميميز دؤزومسوزلوك ايله ورزيش معلليمين گؤزله ييرديك. او كيلاسا گيرديكده هاميميز آياغا قالخديق؛ اوتورون، دئدي. اوتوردوق. معلليم باشلادي: اوشاقلار، بويون ائشييه گئتمه يه جه ييك؛ و ائله كيلاسين ايچينده ورزيش ائده جه ييك! بو سؤزو ائشيده رك، هاميميزين قول- قاناديميز سيندي.
بير آز دئييب- گولمكدن سونرا دئدي: ايندي باشلاياق ورزيش ائتمه يه. هاميميز هويوخموشدوق! نئجه ورزيش؟
معلليم باشلادي:
اوشاقلار! سيز ايندي بير بير بانلاياجاقسيز! ياني خوروز سسي چيخارداجاقسيز! منده سيزين بانلاماغيزا گؤره، سيزه ورزيش نومره سي وئره جه يم! بللي دير كي هانسينيز ياخشي بانلاساز، ياخشي نومره آلاجاقسيز!
ائله حسين دن باشلاياق.
حسين! بانلا گؤروم؛ او بانلاماغا باشلادي، چونكو او بيرينجي بانلايانيدي؛ هاميميز، اونا گولدوك! معلليم اؤزوده گولدو!
معلليم دئدي: پيس بانلامادين؛ سن 15 آلارسان!
تقي ده، پيس بانلامادي؛ اودا 16 آلدي.
13 آلان، 10 آلان، 18 آلان دا واريدي! تويوقچو حسينين نوه لري هاميدان ياخشي بانلاديلار! اونلار 19 آلديلار.
نوبت مهدي يه يئتيشدي؛ مهدي بانلاماغي ائله اوزاتدي كي، هاميميز گيج قالميشديق!معلليم دئدي: ساغ اول مهدي! بودا 20! حاققيندي؛ گؤزل بانلادين!
منده 16 آلديم!
نوبت حبيبه يئتيشدي، هامي گؤزله ييردي كي او نئجه بانلاياجاق!
حبيب ها زور وئردي، بانلايا بيلمه دي! او يالنيز بير دورتمه ده مهدي يولداشيندان يئدي! اَده بانلا! بانلاماسان نومره يوخدو ها!
معلليم دئدي: حبيب! بانلا، بانلاماسان، ورزيشده تجديد اولاجاقسان!
او زاماندان دوز قيرخ ايكي ايل سوووشور. مهدي ده، منده، حبيب ده بير اداره ده يديك، سحر يئمك يئييرديك. حبيب بيردن قاييديب دئدي: بو تازا رئييس، اؤزون برك توتور! بللي دئييل هارانين نوباريدي؟ بيزي تاخيب شيشه، توتوب تنديره.
بيلميرم هانسي جاني يانميش بو سؤزو رئييسين قولاغينا چاتديرير!
او آي رئييس اونون آيليغيندان بير آز كسميشدي! حبيب نه ده نين سوروشماق اوچون، رئييسين ياناينا گئدير!
رئييس اونا بير جومله سؤز دئيير:
حبيب! ائله بيل اوتوز- قيرخ ايلدن سونرا بانلاماغي اؤيره نميسين؟!

ه‍.ش. ۱۳۸۹ بهمن ۱۷, یکشنبه

آللاه یم آییرما بیزی .....

بو عؤمور یولوندا اوز- اوزه گلدیک ،

ظولمت بر گئجه دن گوندوزه گلدیک ،

دئیه سن آخیردا بیزگؤزه گلدیک

نه اولار ، آللاهیم ، آییرما بیزی .


سنین الینده دیر طالئعین حؤکمو،

نه اولدو ، بو سئوگی بیر آغیر یوک مو؟

آیریلیق دئییلن سندن بؤیوک مو،

نه اولار ، آللاهیم ، آییرما بیزی .


سونرادان قووشان ایکی یولوق بیز

سئوگییله باشالایان ایکی سونوق بیز.

حاقّینا تاپینان ایکی قولوق بیز،

نه اولار ، آللاهیم ، آییرما بیزی .


دویمادیق سئوگینین شیرین دادینی ،

وورما قلبیمیزه هیجران اودونو،

ائشیت سئونلرین غم فریادینی ،

نه اولار ، آللاهیم ، آییرما

نصرت کسمنلی

ه‍.ش. ۱۳۸۹ بهمن ۱۵, جمعه

چالوشگان

بیزیم محلله نین میدان طرفینن گلنده، لاپ اوولی چشمه ئیدی ، چشمه نین قاباقوندا بیر بویوک حؤوزکیمین واریدی کی چشمه نین سویی اؤردا جمع اؤلاردی ، گؤولدنده سورا لؤهوممبه ئیدی کی اورادان سوئی آچوب باغلارا آپاراردولار . ( گؤلباشی بیزیم  گئزیب دولانماخ و اوشاقلارونان اوردا چیمیب و اؤیناماخ یریمیزیدی ، محلله نین آروادلارو و قیزلارودا آخشامباشلاری اورا ییغیشیب دانوشوب ، دئیب ، گولردیلر ...) لؤهومبه نین شمال طرفینده سو  ایکی یره بؤلونردی ، بیری بیزیم حیاطلارا طرف گه لردی ، بیریسی ده گون باتان طرفده کی باغ باغاتا گئده ریدی .بیزیم  محلله خیاوانی وورماموشدان قاباخ همان علمدار گرگر یؤلویودی ، بیزیم ائویمیز گرگر طرفینن آخر حیاطودی ، چشمه دن بیزیم محلله یه طرف هاموسونا حاج احمد محله سی دئیردیلر ، کی ایندیده آز چوخ قدیم آداملار بو کلمه نی ایشله ده لر .
بو سوزلری یازماخدان ایستدیم بیز یاشادوقوموز یری بیر آزدا اؤلسا تصور ائده سیز .
لؤهومبه ده ن گون باتان طرفه گئدن محلله بیر اوزون کوچه دی کی ایندی ده قدیم فورماسوندا قالوبدی ، البته ساختمانلار تازالاشوب ، تازا اولر دوزه لیب ، تازا آداملار اؤردا ساکن اؤلوب ، آمما قدیم اِولرده نده قالان وار ، محلله نین فورماسی قدیمکی کیمین قالور ، نه یه بوسوزلری یازورام ، ایندی دئییم:
او محلله نین وسطلرینده بیر بؤیو آلچاق ، نازیک بدن ، (اولاردانکی دیه لر بورنون توتسان جانی چیخار) بیر یاشلی خانوموارودی ، ایندیده نوه نتیجه لری اؤردا اؤتورولار ، بویوک اؤغلودا ، دوزدی کی قؤجالوبدی آمما شوکر اولسون آللاها ساغ سالاماتدی . اؤخانوما بیز آمنه خالا دیه ردیک .
بیزیم طایفانون خانوملاری اؤزلری چوخ ایشله مزیدیلر و هر نه بیر آز چتین ایشلری اؤلسائیدی ، یوللاردولار آمنه نین دالونجا ، رحمتلیک آمنه خالا بیزیم محله نین آروادلارونون آچارفارانسه سیئیدی ، پالتارلارون یوواردی ، شام ناهارلارونا یتیشردی ، ... حتی بزک ، دوزکلرینی ده آمنه خالا میزانلاردی .
ایندی بو آروادلاری گؤرنده بولمورم نی یه بیزیم طایفانون آروادلاری و رحمتلیک آمنه خالا یادوما دوشور . اؤ رحمتلیک چؤخ ایشله دی و آز قازاندی ، آما اوشاقلارونی بؤیودی و بویا باشا یتیردی .
ددیم  اؤ چالوشقان آرواداندا بیر یاد ایله ییم . هامی آددی سانلی آداملاردان یازور ، قؤی منده بو کارکاسوب و ایتگین آداملاردان یازوم . شهریارومون سؤزویونن قورتاروم
منيم آتام سفره لى بير کيشييدى
ائل اليندن توتماق اوْنون ايشييدى
گؤزللرين آخره قالميشييدى اوْننان سوْرا دؤنرگه لر دؤنوْبلر
محبّتين چيراخلارى سؤنوْبلر

****************

هَچى خالا چايدا پالتار يوواردى
مَمَد صادق داملارينى سوواردى
هئچ بيلمزديک داغدى ، داشدى ، دوواردى
هريان گلدى شيلاغ آتيب ، آشارديق
آللاه ، نه خوْش غمسيز- غمسيز ياشارديق
---------
بوردا و بوردا فارسجا بیرنئچه ایل بونان قاباقجا یازموشام

ه‍.ش. ۱۳۸۹ بهمن ۱۳, چهارشنبه

آدام اؤلماخ چوخ چتین !!!

بیر ایشه گؤره اداره لرین بیرینه گئدیمیشدیم ، منی یولداولار اتاقلارون بیرینی ، ایکی نفر میزلرینین دالوسوندا اُتورموشدولار ، بیرینین باشی چوخ شلوغودی ، چایوندا ایچنمه میشدی سؤیوموشدی ،آما اوبیریسی بیزیم جوان همشهریلرین بیریئیدی ، صندلینه لم ورمیشدی تقزیباً استراحت حالوندایودی . ایچری گیردیم ، سلام وردیم او ایشلیین باشون یوخاری قوزادی جواب سلامی وردی ،دوباره ایشینه ادامه وردی . همشهری تکان یمه دن الینه منه بیر صندل گؤرسدی ، اتوردوم ... بیر آز صبر ایله دیم گؤروم نه اولاجاق . دوزینی دئیمکی ایچری گلمه میشدن قاباق سؤوونوردومکی همششریم بوردادی و منی دوزگون بلدییاجاق . آمما او ایله بیرکی منی تانوموردی ، بیر آز اُتوراندان سؤرا ایشیمی دئدیم ، بو حالدا منیم همکلاسلارومنان کی اؤ اداره ده ایشلی یردی اتاقون قاپوسوندا دورموش گؤردوم ، ایچرییه باخوردی ، منی گؤردی باشویونان سلام وردی ، بیر آز دوردی گئدی ، اومن یاشدا بیر آدامدی ، بو ایل یا گلن ایلده اداره نی قورتاراجاق و تقاید اولاجاق . او گئدندن سورا او فیل بورنونان دوشن همشهریم کی انون اؤغلو یرینده ئیدی ایشلیین یولداشونا دیدی :
فلان کسین انتظاری وارودی من اونون ایاقونا دوروم !!!!
اوردا فیکیرلشدیم کی آدامون ریشه سی گرک دوز اؤلا ، یوخسا درس اوخوماغون بو حرکتلرده اثری یوخدی ، بیرده من فیکرادیرم آدام اگر درسی زحمتینن اؤخوسا ، بیر آز ادب و احترامدا دوزگون استادلاردان اوندا اثر ی اؤلا بولر ، آمما یالقوز آبادان پول وره سن مدرک آلاسان ، اوندا مهندس ، دکتر ، .... اؤلا بولر سن ، آمما آدام !!!!... یو....خ !!!
اجازه ورین بو شعریده که مناسب حال بو مطلبدی فارسجا عبدالرحمان جامينین شعرلرینندی تقدیم ائدیم :
پدري با پسري گفت به قهر
که تو آدم نشوي جان پدر
حيف از آن عمر که اي بي سروپا
در پي تربيتت کردم سر
دل فرزند از اين حرف شکست
بي خبر از پدرش کرد سفر
رنج بسيار کشيد و پس از آن
زندگي گشت به کامش چو شکر
عاقبت شوکت والايي يافت
حاکم شهر شد و صاحب زر
چند روزي بگذشت و پس از آن
امر فرمود به احضار پدر
پدرش آمد از آن راه دراز
نزد حاکم شد و بشناخت پسر
پسر از غايت خودخواهي و کبر
نظر افگند به سراپاي پدر


گفت گفتي که تو آدم نشوي
تو کنون حشمت و جاهم بنگر
پير خنديد و سرش داد تکان
گفت اين نکته برون شد از در
من نگفتم که تو حاکم نشوي

گفتم آدم نشوي جان پدر

ه‍.ش. ۱۳۸۹ بهمن ۱۱, دوشنبه

بوگونکی بیر گونده انقلاب زمانی

اداره نی تعطیل ایلدیخ ، اوه تلفونونان دئدیمکی دوسلارومونان گلیریک تلوزیونا باخاق . چون من تازه بیر رنگیلی تلوریون آلموشدوم ،چون امامون گلماقین تلوزیون دئمیشدیکی مستقیم گؤرسه ده جک ، اؤناگؤره بیزه یغیشدیق . منیدیم ، حسنیدی ، علیئیدی (کرد) ، میرلاخانومودی (فیلیپینلی) ،و آبامونان بیرده باجوم .
هاموموز گؤزلریمیزی تیکمیشدیک تلوزیؤنون صفه سینه ، هئچکس دانوشموردی ، هاموموز اله بیر کی بیر عزیز و جیگرگوشه میز ایستیر گلسین ، دوغورداندا کی اؤجورودی . ایندیده کی بولاری یازورام ، خیال عاله مینده او زمانلارا پرواز ادیرم . اؤ غریب شهره ، اؤ مهربان آداملارا، کرد، فارس ، ترک ، حتی او فیلیپینیده نگرانودی .
بیرلحظه هواپیمانی گؤرسه دی ...... آمما تز کسیلدی  .... گینه ده بیر آزدان سورا برنامه باشلادی .... آز گؤرسه دنن سورا کسیلدی .
بولدوخکی ایمام طیاره ده ن یئنیبدی ، آما داهی گؤرسه  تمئدی . هاموموز هیسلندیک ، و فیکیرلشدیک کی آلله ایماما نؤاؤلدی  آزقالوردوک تلوزیونی آتاخ حیاطا . ( سورا ائشیدیک کی چوخلاری تلوزیونلارون سیندیرمیشدیلار) . هیجاننان اؤتورانمادوخ ، اداره یه قایودوخ ، اخباردا اشیدیخکی اما چوخ چتینیغینان بهشت زهرایا یتیشیب و اؤرادا دانوشوب و ........ 
بودا منیم خاطرم بهمنین اون ایکیمجی گونوندن
بوردادا فارسیجا 1386 ایلده یازموشام ایسته سه ز اؤخویون

دهه فجر و بیست و دوم بهمن ماه را تبریک میگویم

منیم مشق دفتریم

لاب دوزونی خبر آلساز من اوز دانوشدوغوم دیله ، یازماغی باشارمورام . اما اؤز اؤزومه فیکیرلشدیم ، بو وبلاگی کی چؤخدان ثبت اله میشدیم و بوش قالوردی ، بیردانا مشق دفتری کیمین یازوم ، باشارانلار ایراد ایشکاللارومی نظر قسمتینده یا ایمیل وسیله سیله منه یازاللار منده یواش یاواش یولا دوشرم . بوفیکیر رضا شاعیریمیزین ممدعلیه یازدوغی سوزلری اؤخویاندان سورا باشوما دوشدی . بوندان سورا اوز اوزاقدا قالان خاطره لریمی ( البته خاطره لزیمی بو ردا فارس دیلینده یازموشام ) . اولارکی هردن یادیما دوشور بورا یازاجاغام . ایراد ایشکالارومیدا سیز منه اؤرگه ده رسیز .آشاغادا چنگی شاعیریمیزین محمد علی یازدوغی سوزلری اضافه ادیرم . و ممدلی همشهریمیزه بؤیوک و قادر الله دان تزلیکده سالامتیک ایستئیرم . الله تزلیکینن شفاسون ورسین، آمین
محمد علي برزگر (گرگرلي آراز)      گرگرده دونيايا گوز آچيب، آتاسي ابراهيم برزگر، يازيچي اولماسادا، تاريخين آجي- شيرين اولايلاري ايله ياشاميش بير اينسان اولوب.
گرگرلي آراز خالق بيلييي اوزَريند، اؤزَلليكله آتا- بابا سؤزلَري، اوشاق ادبيياتي، ساتيريك يازيلار... قونوسوندا، چوخ گؤزَل و باجاريقلا چاليشيب. آما حاييفلار اولسون كي ايندييه دَك بيزييم خالق، اونون يازيلاري ايله تانيش اولماييب؛ و يا اونون ساتيريك ادبياتدا چوخ گوجلو قَلَمي وار و ائله اونا گوره دير كي قَلَمداشلارين چوخو اونا، مَممَد جليل قوليزاده نين ايتميش نَوه سي دئييرلَر.گرگرلي آرازين چوخ دَرين بير مَنلييي ، گَله جه يه اومودلو باخيشي و نورلو بير سيماسي وار. اونون اوره يي هر واخت گؤزَلليكلَردَن يانا چيرپير، و گئرچَكدَن، گوزللييي دويوب و سئون بير يازيچي دير. او توپلومسال ياشايشين اولايلارينين يانيندان هئچ واخت سايماز كئچمه يير و دوغروسو هر بير زادي دَريندن باشا دوشور.

ه‍.ش. ۱۳۸۹ بهمن ۱۰, یکشنبه

هانی اؤ آداملار

زینب خالا ، بیزیم کندیمیزده اللخصوص بیزیم محلله ده هامولاریمیزا تانوشودی بیر گون گؤر مسئدیخ  بیر زاد ایتیرمیش آدام کیمین اؤلاردیخ . منیم آبامداکی لاب بتر (رحمتلیک  آنامیزا ، آبا دیردیخ ، روسی کلمه دی ) . زینب خالا اوچ دنه اوشاقلارون سالاردی یانونا ، توتلار یتیشه نده توت یئماغا ،.. بیزیم اوه گه له ردی . قاپوموز همیشه آچوغودی، اولاردا اوز ائولری کیمین دئمه میش اله مه میش ،سه ره له نه ردیلر توتون دیبینه ، ال یتیشن پوتاخلاری سیلکه لییه ردیلر ،  اؤزی و اوشاقلاری باشلویاردیلار یماغا (خاطراتومی یازاندا بولمورم نیه رحمتلیک  رینب خالا یادومنان چیخیب ) . توت یییب دویاردولار ،اونان سورا توتوندیبینده قالانلاری بیر بیر ییغاردیلار و آپاراردیلار قوروداردیلار ، قیشدا یئیردیلر ، بولموسوز کی نئجه لذذتلی اولوردی او توتون قوروسی ،هردن بیرده بیزه وره ردی . زینب خالا بیر مخصوص لهجه ئینن تزتز دانوشاردی ، اوجابویلو و شیرین دیلی بیر خانومودی و بیز اونی چوخ ایستیردیخ ، اوزوموزه دوغوردان خالا بولریدیخ . هره میزی بیر دیلینن دانوشدوراردی .
 آبا مونان ساعاتلار اتوراردی و صحبت ادردیلر و بیزده اونون اوشاقلارویونان اؤینایاردیخ .
کچن گونلر کی یادوما دوشوللر ، اوز به اوزومه فیکیرله شیرم : بیزله ره نه اؤلدی؟ ، نه مه نه میز آزالوبدی ؟ پولوموز ؟ وار دولتیمیز ؟ یا .......؟
بولار کی هاموسی اؤزمانلار دان ، چوخ ، چوخ  اضافه له شیبدی . پس بیزه نه اتفاق دوشوبدی کی ایندی زینب خالا کی هئچ ، اناموزی ، باجوموزی ، قارداشوموزی ، یؤخون فامیلریمیزی ده هفته لر آیلار گؤرموروخ ؟
 شهریارومون حیر بابا شعری یادوما دوشور کی :
حیدر بابا شیطان بیزی آزدیریب
 محبتی اوره کلردن قازدیریب
قره گونون سرنوشتین یازدیریب
سالیب خلقی بیربیرینین جانونا
باریشیغی بلشدیریب قانونا
ایندیده کی او صاف اورکلی انسانلار یادوما دوشولر ، خیال عالمینده او گونلره پرواز ادیرم و اؤ آداملاری سینما پرده سی کیمین گوزومون قاباغوندان کچیدیرم .
ایندی نه اؤ آداملاردان خبر وار و نه ده او اولردن و نه ده اؤ صفا و صمیمییتدن .دنیا ایله باشوموزی قاتوبدیکی ، آدوموزدا یادوموزدان چیخبدی ، زندگانلوغوموزی گویموشوخ دنیا مالی ییغماغا ،
بیر سوروشون بو قارقونموش فلکدن
نه ایستیور بو قوردوغی کلکدن؟
دینه گئچیرت اولدوزلاری الکدن
قوی توکولسون بو یئر اوزی داغولسون
بو شیطانلیق قورقوسی بیر ییغیلسین .

ه‍.ش. ۱۳۸۹ بهمن ۹, شنبه

کیچیک قارداش - ادامه سی

چیین چیینه اوتوردولار. گئجه سویوقودی. خوان سیگاراسین یاندیردی. لاپ یورقونودو آما یاتا بیلمیردی.  حیسّ ائله دی قارداشی یورولوب اسنییر. بیرآزدان سونرا حرکتدن دوشدو. یاری یاریمچیلق یاواشجا نفس چکیردی. بیرآزدان میزیلتییا بنزر سسلر آغزیندان چیخیردی. خوان دا چالیشدی یاتسین. الیندن گلدیکجه اوزون داشین اوستونه سه ره له دی و بئینینی فیکیر خیالدان بوشادماغا چالیشدی. باشارا بیلمه دی. داها بیر سیگار یاندیردی. اوچ آی قاباق سورونون یانینا قئییدنده ایکی ایل اولاردی باجی قارداشینی گؤرمه میشدی. دیوید ائله همان او قاراشیدی کی اوشاقلیقدان اونا نیفرت و پرستش حیسیّ واریدی. آما لئونور عکسینه داها پنجره دن هوروکلی باشینی ائشیگه چیخاریب آوارا قیزیل ده ریلره داش آتان قیز دگیلدی. ایندی اوجا بویلو شسلی شباهتلی بیر آروادا دؤنموشدو کی گؤزه للیگی بدوی رفتارینان قاریشمیشدی و دؤوره‌سینده اولان طبیعت کیمی غریبه وحشیلیک وجودونو بوروموشدی. خوان باجیسین ذهنینده جانلاندیراندا گؤزلرینده نیفرت حیسّینی گؤروردی. او گون شافاق آتاندا کامیلیونو گؤردی کی آتلاری بسله مه ک اوچون چوبان دامینی په‌یه‌دن آییران تارلادان گئچیردی. شهله‌نمیشدی.
دیوید “ سس سیز صداسیز چیخاخ قیز اویانماسین “
بارماخلارینین اوجوندا چوبان دامینین پله لریندن آشاغی یئنیب و متروک جاده ده اکیلمیش یئرلرین کناریندان گئچنده، آزقالیردی کی بوغولسون. دییه سن کوردییرانین لاپ زیروه سینده دوروب. میغمیغالارین هجومونو و شهرلی لوت دهریسین ساشماغیدا حیسّ ائله میردی. داغدان یوخاری چیخدیخجا خفه لیک حیسّی ده آزالماقا باشلادی. یاخشی آت مینن دگبلدی. بیربیرینه قاریشمیش اوچوروم ایلانا بنزر بوروخ بوروخ داریشلیق بیر یولدا خطرلی هوس کیمی اونو کامینا چکیردی. هر سئیی دیقتله ایزلییردی. آتین یئریشین و آددیم آتماسین. باش آغریسیدا کئت به کئت آرتیردی.
- باخ!
خوان تکان یئدی و “ منی قورخوددن دئدی “ ... دئدیم بلکه یاتیبسان.
دیويد “ اودی با . کورموسن؟ “ دئدی.
بیرآن اود اودی گوده ن قارا قورخموش اوزی ایشیقلاتدی.
خوان اوزون دالا چکیب “ ایندی نئینی یه خ ؟ “ دئییب سوردو.
دیوید آما داها یانیندا دگیلدی : او بیر آن گورونن اوزون یئرینه ساری قاچیردی.
خوان گؤزلرین یومدی. قیزیل ده ریلی اللرین اودا ساری اوزاردمیش چومبه لن اوتورموشدو . گؤزلرین اودا زیلله میشدی سانکی اونی اودون شعله سینده گؤروردی. بیرده ن بیره بیر شئی باشینین اوستوندن آتیلدی. آتیلانی جاناوار سایدی اولّده آما ایکی ال بوینونون دووره سینه قیفیللاناندا نه باش ویرمه نی آنلادی. بیرده ن بیره و خبرسیز دعوادان حدسیز قوروخو جانینی یاخدی. ساواشدان قاچماق ایسته مه دی . تکجه بیر توسپاغا کیمی باشین قینینا چکیب اؤزون ییغدی  تا صدمه گؤرمه سین . باشاردیقجا کؤزلرین آچمیشدی قارانلیقدا اوستونه یومولانی تانیسین. ائله اوندا سسیندن تانیدی: “ اسگیک نه ایش گؤردون؟ “ “ ایتین بالاسی نه ایش گؤردون” خوان دیویدین سسین ائشیددی و تزه آنلادی کی ائله اویویدی قیزیل ده ریلییه تپیک ویریردی. گاهدا نظره کلیردی کی تپیک لری داشا دگیردی و همین بو مسئله اؤنی لاپ بتر حیرصلندیریردی. اولجه خوان یاواشدان خریلتی سسی ائشیدیردی. دییه سن قیزیل ده ریلی خیریلدیردی. سونرا تکجه دیویدین حیرصلی سویوشلرین ائشیدیردی. خوان بیرده ن بیره تاپانچانی الینده گؤردی و یاواش یاواش ماشاسینا فشار وئردی. حئیرتینن دوشوندی اگر اتش آچسا قارداشیندا اولدوره بیلر . سیلاحدان قورخموردی. اودا ساری گئتدیکجه عجیب آرامیش حیسّی واری یدی.
چیغیردی:
- دیوید بسدی. بیر گولله ویر خلاص ائله. داها ایشکنجه وئرمه!
جواب وئره ن اولمادی. ایندی خوان اونلاری گؤرموردی. اونلار اود ایشیقلاندیران منطقه دن خارج اولموشدولار. گؤرموردی. آما هرده ن یوموروق و یاخود سویوش سسی قولاقینا ده گیردی.
چیغیردی:
- دیوید گل منه ساری. کلمه سن آتش آچیرام.
بیر نئچه ثانیه دن سونرا برک حیرصله نمیش چیغیردی:
- دیوید اؤتور! اینان آتش آچیرام.
یئنه ده جاواب وئره ن یوخودی.
اول گولـله آچیلاندان سونرا خوان یئرینده دؤندی. سونراسی آما آتشی کسمه دن منطقه نی گولله یه باسدی. تکجه خشابین بوشالماسی اونی دایاندیردی. حرکته قادر دگیلدی. ایراده سیز اولاراق تاپانچا الیندن ایاقلاری اوستونه دوشدی.شلاله نین سسی  محو اولموشدی. جانینی تیتره تمه توتدی. ترین ایچینده بوغولوردی. بیرده ن اوجادان قیشقیردی:
- دیوید!...
لاپ یانیندا قورخموش حیرصلی سس « بوردایام ائششک! دئییرسن بلکه منی ده گولله لیه بیلرسن؟ دلی اولوبسان؟»
لئونور ایتلرین هورومه سیندن بیلدی اونلار قاییدیبلار. لند لندینین یوغون سسی گئجه نین سکوت جامینی پنجره نین آلتیندا سیندیردی و اونون مورگوسون پؤزدی.  اوبیر یاندان اسپوکی نین سسی قورخموش  جاناوارین له لهینه  بنزیردی کی هرده ن سوموک سیزیلدادان اولاماسی اوجالیردی. ائله بوآرادا بویلی دورمیتانین هورومه سیده اوبیرسیلره قاریشدی. هاننان گئژده ن ایتلرین قورخودان هورومه سی ، تانیشا قویروق بولویوب میریلدامایا چؤندی. ایتلر همیشه بئله میریلداماینان دیویدین قاباقینا قاچاردیلار. قاپینین جیریغیندان قارداشلارینین ائوه یاخینلاشماسین گؤردیو سونرا بویوک قاپینین آچیلیب باغلانماسین ائشیددی. منتظر قالدی پله لرده ن یوخاری چیخیب ائوه گیره لر. قاپی اچیلارکن خوان الین اونا ساری اوزاتدی.
دیوید « سلام خیرداجا قیز»  دئدی.
باجیسی اؤنی قوجاقلادی. اوزون قاباقا آپاردی اؤپسون آما اؤزی اؤپمه دی. خوان چیراغی یاندیردی.
-  نیه منه خبر وئرمدیز؟ گرک منه دییه ردیز. ایستیردیم قاباقین آلیم آما کامیلیا قویموردی. گرک اونودا ادب ائلیه سیز. دیوید...گورهیدین نئجه اؤزون منه یاپیشدیریدی. وحشی بیشرف! یالواریردیم منی اؤتورسون ...آما وئجینه ده گلمیردی!
-         
او هیزلی دانیشماغا باشلامیشدی آما بیرده ن بیره سسی باتدی. زولفلری پریشان آیاقلاری یالینیدی. دیوید و خوان ساکتلشدیرمه گه چالیشیردیلار. توکلرین تومارلیردیلار. شوخلوق ائلیردیلر و « بالاجا قیز» دئییردیلر...
دیوید « ایستمه دیک سنی ناراحات ائلییه ک! بیرده قالدی کی لاپ آخیردا گئتمه ک قرارینا گه لدیک. سنده کی یاتمیشدین او زامان » دئدی ایضاح اوچون.
- مخلص نه اولدی؟
خوان پتونو گوتدی و باجیسین اؤتدی. لئونور آغلاماقدان ال چکمیشدی. رنگی پوزگون، آغزی یاریمچلیق آچیق و باخیشی نیگرانیدی.
دیوید « هئچ زاد. هئچ بیر شیء اولملدی. تاپا بیلمه دیک» دئدی.
لئونورون اوزوندن نیگرانچیلیق سیلیندی و دوداقلارینا راحاتلیق حالتی اؤتدی.
دیوید « آما هر حالدا تاپاجاییق » دئدی و بئخیاللیقلا لئونورا ایستراحت ائتمه نی تکلیف ائله دی. سونرا قاییتدی. لئونور « بیر آن دورون ، گئتمه یین » دئدی.
خوان یئریذده ن ترپنمه میشدی.
دیوید « هه نه اولوب منیم بالاجا قیزیم » دییه سوردی.
- داها دالیجا گئتمه یین.
دیوید « نیگران قالما. داها اونود. بو کیشی ایشیدی. بیزه تاپشیر» دئدی.
لئونور گینه ده آغلاماغا باشلادی ، بو دفعه قورخو و تیتیره تمه ینن. ایکی الینن باشینی توتدی. دییه سن برق توتوبدی. چیغیریلتیسی ایتلری اویاتدی. پنجره ننین آلتیندا ایتلر هورومه یه باشلادیلار. دیوید  تعجبله خوانا ساری دؤندی . دییه سن بیر شیء سوروشماق ایستیردی. کیچیک قارداش آما ساکت دورموشدی.
دیوید « داها یاخشی بالاجابالا آغلاما. دالیسیجا گئتمه ریک» دئدی.
- یالان دئییرسن من سنی یاخشی تانیرام. سن اونی اؤلدوره جکسن.
دیوید « داها اوننان ایشیمیز یوخدی .. نیه بئله فیکیرلشیسن او بدبختی تنبیه ائله مه ک لازیم دگیل؟ » دئدی و سوروشدو.
لئونور ته له سیک دیل دوداقین دیشلییه ره ک « اؤ منه هئچ نه ائتمه دی» دئدی.
دیوید تاکیدله « داها بو باره ده فیکیرلشمه. بیزده اونودوروق. داها ساکیت اؤل بالاجا قیز » دئدی.
لئونور هه له آغلییردی. آویدلاری و دوداقلاری یاش اؤلموشدی. پتو یئره دوشموشدی. تکرارلادی:
- اومنه هئچ زاد ائله مه دی. هامیسین یالان دئدیم.
دیوید « بیلیرسن نه دئییرسن؟ » دییه سؤردی.
- داها بیربئله دالیمجا گلمه سین دؤزه بیلمیردیم --- لئونور منّا من ائلیردی--- سحرده ن آخشاما کولگه کیمین دالیمجایدی.
دیوید « گؤرورسن گوناه منیم کی یدی. اونا من دئمیشدیم سنی گودسون. تک بیر آروادین چولده گئدیب گلمه سی تهلوکه لییدی. منده اونا امر ائله دیم سنی قؤروسون. گرک قیزیل ده ریلییه اعتماد ائله مییه یدیم. هامیسی بیر بیرینین تاییدی...» دئدی.
لئونور زاریلدادی:
- منه هئچ بیر ایش یاپپادی. اینانین دوزون دئگیرم. کامیلیودان سؤروشون. اؤ بیلیر هئچ بیر شیء باش وئرمییییب. ائله اونا گؤره اؤنی قاچیرددیم. اینانمیسان؟ هه اؤ گئدیب. من اؤزوم اؤنا دئدیم گئدسین. تکجه ایستیردیم الیندن خلاص اؤلام. ائله اؤنا گؤره ده بو یالانی قؤشدوم. کامیلیو هرزادی بیلیر. اوندان سؤروش.
خوان قاییدیب قاپیا ساری گئدیردی. ائله کی دیوید ایسته دی قاباقین آلسین اؤزوندن چیخدی. ائله بیل جنّی اولموشدی. یامان دئمه گه باشلادی: باجیسینا جندا دئدی. قارداشینا آلچاق ! دئویدین دؤشوندن یوموراقینان ویردی و یولونون اوستوندن کناره آتدی. آددیم لارین گئن آتا آتا ائودن چیخدی دالیسیجا یامان یوغوزدان بیر ایز قالاراق. لئونورونان  دیوید خوانین تارلایا گیرمه سین، سونرا اورادان چیخماسین و کلورادونون بوینونون ایپکلی یالینی توتوب آتین بئلینه سیچراماسین گؤردولر. لئونورون تنبل آتینین آوساری  نابلد اله دوشموشدی و آتیلیب دوشمه ینن مینیجی گؤستره ن یولی چاپیردی.  گؤروردولر
لئونور« اولمایا اؤنی گولله له یه؟» دئدی و سؤردی.
دیوید لئونورا دایانیب « امین اؤل. بیر ایش یاپماز» دئدی.
قیزیل ده ریلیلرین هامیسی کولوخلاردان چیخیب، کیچیک قارداشین آت اوینادماسینا حیرانلیقلا باخیردیلار. خوان هرده ن حیرصلی دابانلارین آتین قارنینا و یوموراقین اونون باشینا ویریردی. کلورادو خوانین ضربه لری آلتیندا اؤیان بویانا فیرلانیب ، آتیلیب دوشوردی. دیوید ایله لئونورا خوانی آت اوستونده تاماشا ائلیردیلرکی کلورادو آیاقدان دوشموش حالدا دوردی و یورقون نفس چه که چه که باشین آشاغی سالدی. خوان ائوه ساری دؤندی .قاپینین قاباقیندا دییه سن یادینا بیر شیء دوشدی. قاییدی. آتی چاپدیراراق " لاموگره " کولوغونا ساری گئتدی. آتدان یئره آتیلیب و تپیکینن باغلی قاپینی آچدی. ایچه ریده کی قیزیل ده ریریله ره دئدی کی تنبیه لری باشا چاتیب. سونرا آهسته ائوه ساری قاییدی. قاپینین قاباقیندا دیوید انتظار چکیردی. خوان ترده بوغولموش آما چوج جدی گؤستریردی. دیوید اونا یاخینلاشدی. قولون چیگنینه سالیب « گئداخ. لئونور دیزلرین آغریسین آلینجا بیزده باده لریمیزی ایچک» دییه ره ک ایچه رییه آپاردی.